March 29, 2017
March 29, 2017

Tumhary dar tak aayi thi mujhey ilzaam mat dena
Tujhey wapas bulaya tha mujhey ilzaam mat dena

Musalsal be rukhi se yeh ta’aluq toot jaye ga
Tujhey pehley bataya tha mujhey ilzaam mat dena

Bithaya jis ko palkon par hamarey hotey huye tum ne
Usi ne dil dukhaya tha mujhey ilzaam mat dena

Hamarey payar ki khushboo jahan pe raqs karti thi
Woh ghar kis ne jalayaa tha mujhey ilzaam mat dena

Sawaab e wasl se le kar azaab e hijr tak hum ne
Kahan daman bachaya tha mujhe ilzaam mat dena …!!!

It's only fair to share...Share on FacebookShare on Google+Tweet about this on TwitterShare on LinkedIn