March 29, 2017
March 29, 2017

Yeh jo zindagi ki kitab hai yeh kitab bhi kaya kitab hai
Kaheen ek haseen sa ḳhawab hai kaheen jan leva azab hai

Kaheen chhoan hai kaheen dhoop hai kaheen aur hai koi roop hai
Kai chehrey is mein chhupey huey ek ajeeb sa yeh naqab hai

Kaheen kho diya kaheen pa liya kaheen ro liya kaheen ga liya
Kaheen chheen leti hai har ḳhushi kaheen mehrban be hisab hai

Kaheen aansuon ki hai dastan kaheen muskurahaton ka bayan
Kaheen barkaton ki hain barishen kaheen tishnagi be hisab hai …!!!

It's only fair to share...Share on FacebookShare on Google+Tweet about this on TwitterShare on LinkedIn